|
Abantu benshi bajya muri sauna no mu byumba bakarabamo umwuka ushyushye(bain de vapeur) maze bagatutubikana cyane bigatuma umubiri wabo uruhuka , ariko ntibasobanukirwa ibyiza byabyo ndetse n’ingaruka bishobora kugira ku buzima bwabo mu gihe bikozwe nabi.
Mu kiganiro ikinyamakuru Daily Monitor cyagiranye na Dr Paul Semugoma ukorera International Medical Centres na Josephat Asiimwe inzobere mu gukoresha siporo muri Hotel Equatorial yo muri Uganda,basobanuye ingaruka nziza n’imbi zishobora kuva mu gukora sauna n’ibijyanye nayo.
Ubundi sauna ni icyumba gito kiba kirimo ubushyuhe bwo ku gipimo cyo hejuru n’ umwuka uri mu kigero.sauna zishobora gukoreshwa mu buvuzi ndetse no muburyo bwo kuruhura umubiri ;usibye ibyo tuvuze haruguru hari n’ ibindi byinshi byiza umubiri wungukiramo mu gihe agiye muri sauna.
Bimwe muri byo ni:
-Kubira ibyunzwe:ni byiza ko umuntu abira ibyuya kugirango asohore imyanda iba iri mu mubiri.
-Ubwiza:sauna na Hammam byoroshya imisatsi ndetse n’uruhu. Uruhu rubira ibyunzwe ruhora rutoshye.
-Kurwanya indwara zo mu mihogo:amavuta y’ inturusu ndetse n’ umwuka ushyushye bihumekwa muri sauna, bifungura umuhogo maze umuntu agahumeka umwuka neza.
Gusa ntawakwiyibagizako ibi bintu bigira ingaruka rimwe na rimwe ku buzimaMu gihe ubushyuhe bubaye bwinshi imisatsi n’ inzara birangirika ndetse umuntu akaba yakurizamo kanseri y’uruhu.
‘’ubushyuhe buri hejuru ya dogere 50 n’ ibinyejana mu gihe kirenze iminota 10 bushobora kwica ama cellules y’ uruhu aribyo bitera kanseri y’ uruhu nyuma y’ imyaka itatu.
Dr Semugoma akomeza asobanura ko buri nshuro umuntu agire muri sauna,umubiri we utakaza amazi ,imyunyu ndetse n’ ingufu.Niyo mpamvu umuntu aba agomba kunywa ibinyobwa byinshi ndetse akanarya indyo yuzuye kugirango agarure ibyo umubiri uba watakaje.
Ku bijyanye n’ umutima ho,uyu muganga yasobanuye ko nubwo umutima utera cyane umuntu ari muri sauna;ntacyo biba bitwaye kuko ni kimwe nko gukora umwitozo wo kwiruka.Ati:’’ iyo umuntu akora umwitozo uwo ariwo wose ,abira ibyuya .Icyo gihe imiyoboro y’ amaraso irikwedura maze ikohereza amaraso ku ruhu,maze umutima ugatera cyane’’.
Igipimo cy’ ubushyuhe butagomba kurenzwa
‘’ubushyuhe bwo hanze ni bwo bugomba kwifashishwa kugirango bamenye ubushyirwa muri sauna no byumba bakarabamo umwuka ushyushye.Mu bihugu byacu byo mugice cya Tropics aho ubushyuhe buba atari bwinshi.Mu gihe hanze y’ inzu ubushyuhe ari dogere 25 ,muri sauna ntabwo bugomba kurenga 50 ;ariko mu gihe hanze hakonje hari dogere 15 ,muri sauna hashobora gushyuha ku gipimo kiri hagati ya 55 na 60 za dogere z’ ubushyuhe.
Niyo mpamvu abantu bajya mu ma sauna bagomba kureba niba harimo igipimo cy’ ubushyuhe cyangwa ikintu bongereraho/bagabanyirizaho ubushyuhe kugirango bamenye niba umubiri wabo udashobora kwangirika.
Inshuro n’iminota ugomba kumara muri sauna
Nibyiza kutarenza inshuro eshatu mu cyumweru ujya muri sauna.’’buri nshuro ukinjira muri sauna mu byiciro bitatu ,ukamaramo iminota itarenze 5 mu gihe ubushyuhe buri kuri dogere 50;cyangwa iminota 10 mu gihe ubushyuhe buri kuri dogere 40 cyangwa munsi yayo.
Ibibujijwe muri sauna
Umuntu wese wumva sauna cyangwa ibyumba bishyushye bitamugwa neza akwiye kubireka kujyayo.Abana baterageza ku myaka 17 n’ abakambwe bageze ku myaka 70 ntibagomba kujyamo mu gihe ubushyuhe buri kuri dogere 3 ;impamvu babujijwe kujyayo n’ uko umubiri wabo utihanganira ubushyuhe bwinshi.
Abagore batwite nabo ntibakwiriye kujya muri sauna kuko ubushyuhe bushobora kugira ingaruka ku bana batwite.Abantu bakunda kugira isereri,umuntu uri kunywa imiti ikomeye ndetse n’ abantu baba banyweye inzoga nabo ntibakwiriye kujyayo ;impamvu n’uko yaba imiti ikomeye cyangwa se inzoga zose zica intege umubiri hakwiyongereho ubushyuhe rero bikaviramo umuntu kugwa igicuri.
Kugirango umenye igikwiye hagati ya sauna n’ icyumba bakarabamo umwuka(bain de vapeur) ugomba kubaza abahanga bashinzwe ibyo byumba ukamenya ikigukwiye.Ku bantu bagira ikibazo byo guhumeka nabi bakwiye gufata sauna naho abafite ibibazo by’ uruhu(uruhu ruhanda,ibiheri) bakerekeza mu byumba bakarabiramo umwuka. |
