Abakinira imikino kuri interneti bibasirwa n'abanyabyaha bo kuri interneti kurusha abandi

Uruganda rusobereye mu gukora antivirusi, Avast,  rwatangaje ko abakinira imikino kuri interneti bibasirwa bikabije n’abakorera ibyaha kuri interneti.

Iyo sosiyete yashize ahagaragara ikigereranyo kigaragaza imbuga ngari(web site) zikinirwaho imikino kuri interneti ziheruka guterwa n’amavirusi. Muri icyo kigereranyo usangamo imbuga kabuhariwe mu gukora bene iyo mikino nka Gamefactoryinteractive.com, Jeux-digest.com na  Mariogamesplay.com, ubusanzwe zizwiho kugira umutekano uri hejuru ariko ntibyabujeje ko zibasirwa kurusha izindi.

Iyo sosiyete ivuga ko kuba abantu bakinira kuri interneti bibasirwa kurusha abandi ari uko ikiba kibaraje ishinga ari imikino baba barimo kurusha umutekano wa mudasobwa zabo. Ikindi n’uko ukwiyongera kw’inganda zikora iyo mikino bituma abanyabyaha nabo bakaza umurego mu kwibasira abakoresha izo mbuga.

Niyo mpamvu Avast igira inama abakinira kuri interneti guhorana antivirusi kandi bagahora iteka bazongerera ubukana, no gucana antivirusi imikono baba bakina iba yifitemo ndetse no kwirinda gukura imikino ku mbuga zitwa “warez”.