Microsoft yashyize ahagaragara Windows Phone 7

Nkuko twari twabibabwiye, kuri uyu wa mbere tariki ya 11 Ukwakira2010 Microsoft yashyize ahagaragara operating system yayo nshya yagenewe gukoreshwa kuri telephone zigendanywa, iyo operating System ikaba yaritswe Windows Phone 7.

SmartPhone za mbere ziyikoresha zikazagera ku isoko ry’Uburayi tariki 21 Ukwa-10 mu gihe muri Amerika zizaboneka tariki 8 Ugushyingo.

Ibyo akaba ari ubwa mbere biba ko microsoft ishyira ibikorwa bya ku isoko ry’Iburayi mbere yo kubigeza muri Amerika aho ikomoka!

Icyo gikorwa kikaba kigamije guhangana n’izindi nganda z’ibikomerezwa mu gukora telephone zigendanwa nka Apple na iPhone yayo, RIM na BlackBerry yayo na Google na Android yayo. Bikaba bivugwa ko icyo gikorwa nikitagenda neza, microsoft izahita yibagirwa ibyo gukora telephone zigendanwa ikabiharira abandi bayitanze ku isoko.

Operating System iheruka, Windows Mobile 6.5 ikaba yarashaje. Mu gihe ubundi abandi bafata operating System ishaje bakagira ibyo bongeramo bagakora inshya, microsoft yo yahisemo gutangira bundi bushya. Bivuze ko Windows Phone 7 ari Operating System idafite indi wayigereranya nayo mu mikorere no mu mimerere.

Telephone shya zizaba zifite ubushobozi bwo gucuranga na kureba imiziki n’amafilimi, gukina imikino yo kuri internet, zifite application za office nk’izo tumenyereye muri mudasobwa zisanzwe ndetse ushobora no guhabwa ubufasha kuri internet(online assistance), ikindi abantu bashobora korerezanya ubutuma bugufi nk’uko bigenda kuri messanger na facebook.

Ikibabaje ni uko bitajya bivuga igihe iryo koranabuhanga rizagerera muri Africa nk’aho Afruca yo nta mubushobozi bwo kugura ifite? Buriya byakabaye byiza bariya bagabo bagiye bibuka ko natwe turiho bakagira icyo natwe batugenera aho kugira ngo ikoranabuhanga rizatugereho abandi bararihaze ndetse ntanukivuza kurikoresha!