Bamwe mu bononwe n’abapadiri bashaka ko Papa agezwa imbere y’ubutabera

Ababuranira bamwe mu bana bagiye bagirirwa ibyamfura mbi n’abapadiri aribo Walter Van Steenbrugge na Christine Mussche, batangaje ko hari gahunda yo gusaba ko Papa Benoit XVI nawe yazagaragara imbere y’urukiko.

Nk’uko amakuru abitangaza, aba babiri bemeza ko ibi bikorwa nubwo Atari we wabikoze nawe aba yarabigizemo uruhare cyane cyane rwo gukingira ikibaba ababikoze. Mu kazikabo rero bagerageje kuvugana na bamwe mu bandi baburanira aba bana muri Amerika nabo bagerageje gutumiza papa mu rukiko.

Ku bufatanye bw’aba ba avocats Walter na Christine, bemeza ko bari gukorana neza n’abandi bo muri Amerika ku buryo iyi nshuro noneho Papa Benoit XVI nawe azitaba urukiko.

Walter Van Steenbrugge yatangaje ati “twaganiriye n’abandi Banyamerika batandatu, turi kugerageza kumvisha inkiko ko uburemere umuntu uyu n’uyu aba afite mu iyobokamana butagakwiye gutuma adakurikiranwa kuko ibi nibyo bituma ibi byaha bidacika”