|
Benshi muri twe bafite amakuru adasobanutse kubijyanye n'ingaruka z'ikoreshwa rya za telefone zijyendanwa k'ubuzima. Hano tugiye kurebera hamwe byinshi mu bivugwa kuri iki kibazo dore ko ari n'ibintu bireba ubuzima bwacu.
Ingaruka ziturutse k'ubushyuhe: Byaragaragaye ko umuntu ukoresheje telefone igendanwa mu gihe k'iminota 20, mu mubiri w'umutwe wegereye aho yarafatiye telefone hiyongeraho degré 1 y'ubushyuhe,
Ubu bwiyongere bw'ubushyuhe bugera mu burebure bungana na sentimetero 10 winjira mu mutwe,ibi rero bituma habaho ikinyuranyo cy'ubushyuhe hagati y'ubwonko n'ibibukikije, Gusa ibi ntangaruka ziragaragazwa byaba bifite k'umubiri.
Ubu dutegereje ko bizemezwa niba telefone zigendanwa zaba zitera kubabara k'umutwe bidasanzwe kuko abantu benshi iyo bakoresheje telefone igendanwa igihe kinini usanga bataka uburibwe bw'umutwe. Ubushakashatsi bwakozwe ku mbeba bwagaragaje ko ikoreshwa rya telefone igendanwa rishobora kugira ingaruka ku mitsi yo mu mutwe. Ibyo ku bantu bahorana ububabare bw'umutwe, byongera umurego w'ubwo bubabare ku buryo budasanzwe bukaba bwa kwikuba inshuro zirenze ebyiri.
Indi ngaruka, hari ibyo bita radio-frequency bisakazwa na telefone zigendanwa.
Ibi bishobora kugira ingaruka ku bantu bakoresha telefone igendanwa bambaye amalinete agizwe n'ibirahure bisigasiwe n'utwuma cyangwa abakunda gukoresha telefone igendanwa bambaye amaherena ariho utwuma. Kuri ibi naho ntakintu gifatika kiremezwa n'abashakashatsi yewe n'ubushakashatsi bwinshi bugerageza kwerekana ko ikoreshwa rya telefone zigendanwa nta kanseri ritera, gusa abashakashatsi b'abongereza baherutse gukora ubushakashatsi bwagaragaje ko abantu bakoresha umunsi k'umunsi telefone igendanwa, mu gihe k'imyaka icumi
bagira 40% by'ingaruka zikomeye ku mitsi mito yo mu mutwe.
Niba telefone igendanwa isakaza byinshi ninako yakira byinshi(internet, amashusho, amajwi, inyandiko n'ibindi). Byose ibyakira hifashishijwe antene ziba ziri hejuru y'amazu, iminara n'ahandi. Aya ma antene ashobora gutuma habaho gukora nabi kw'ibikoresho bya electronic. INgero Z'ibikoresho byo kwa muganga byananiwe gukora neza bitewe na ziriya antene zaragaragaye.
Ikigaragara n'uko abashakashatsi kugeza n'ubu bataragira ibyo bemeranywaho ngo bifatwe nk'ihame ku bijyanye n'ingaruka za telefone igendanwa k'ubuzima. Gusa uramutse ufite impungenge kuri zo, zikoreshe wifashishije ama ekuteri byo ntangaruka bigira. Ushobora gukoresha telefone wifashishije ekuteri igihe cyose aho kwirinda gukoresha izo telefone cyangwa kuzitinya. |
