IBIMERA NABYO IMANA YABIHAYE UBWENGE

Ikimera bita Acacia kiboneka ahantu henshi cyane ku isi. Imana ntiyahaye umuntu ubwenge wenyine ahubwo n'ibimera yabivunguriyeho ariko gake ugereranyije n'ubwenge bw'umuntu.

Rero icyo kimera tumaze kuvuga hejuru gato gifite uburyo bwo kwirwanaho buhambaye kandi butangaje cyane. Mu gihugu cya Australie naho tuhasanga icyo kimera ariko kuko ho hataba inyamaswa zitungwa n'inyama nyinshi, icyo giti usanga nt'amahwa kigira.

Watera intambwe ugaruka hano muri Africa cyangwa se muri Amerique tropical, ugasanga icyo giti gifite amahwa menshi cyane. Kuko ho uhasanga inyamaswa zitunzwe nibimera cyane k'ubwinshi. Ugasanga ariko inyamaswa igiye kurya icyo kimera, itazongera kugarukaho ubwa kabiri.

Ubundi impamvu muri Australie icyo kimera kitagira amahwa ni uko kiba kizeye cyane ko nta nyamaswa izaza kugisagarira ngo ikigire ibiryo ikibuza kwiberaho m'umudendezo. Ariko hano iwacu hamwe n'ahandi haboneka inyamaswa zitunzwe n'ibimera, usanga icyo giti gifite amahwa menshi cyane kuri buri ruhande. Nta kindi ahubwo ni ukugirango kirwaneho mu kwirinda izo nyamaswa zishobora kuba zakirya.

Murumva Nyagasani ushobora byose ko ari umuhanga cyane kandi yihariye ubumenyi ikindi kiremwa kitagira.

 Byakusanyijwe na MUHIRWA Olivier IGIHE.COM Eastern province