Umukinnyi Baby Elias Uzamukunda ameze neza muri ruhago mu ikipe ya As Cannes

Umukinnyi rutahizamu w'umunyarwanda ukina mu ikipe ya As Cannes mu gihugu cy'Ubufaransa, ameze neza nkuko tubikesha urubuga rw'itumanaho rwa internet (web site) y’iyo kipe yo mu kiciro cya Gatatu muri icyo gihugu. Uyu musore rero akaba yaragiye muri iy'ikipe avuye mu ikipe ya APR FC nyuma yaho atagiriye amahirwe yo gukinira ikipe ya Fc Nantes yo mu gihugu cy'ubufaransa iri mu kiciro cya kabiri , yaje kwerekeza muri iyo kipe ya As Cannes, akaba  mu ikipe ya As Cannes yambara umwenda uriho numero 13, ikipe ya As Cannes iri ku mwanya wa kabiri ku rutonde rwa shampiyona yo mu kiciro cya gatatu bita (Championnat National). I yo kipe ikaba yarashinzwe mu mwaka 1909, ikaba iheruka mu kiciro cya mbere (L1) mu mwaka 1997-1998. As Cannes ikaba izwi ku kazina ka Les Dragons Rouges, n'ikipe ikinira ku kibuga bita Stade Pierre de Coubertin,

Cannes iyo stade ikaba yakira abantu ibihumbi cumi na bibiri na magana inani (Capacity: 12,800) umuyobozi wiyo kipe yitwa Ziad Fakhri naho umutoza wiyo kipe yitwa Albert Emon.

Uretse umukinnyi Baby Elias Uzamukunda, abandi bakinnyi ba banyamahanga dusanga muri iyo kipe hari, Sébastien Gimenez ukomoka mu gihugu cya Argentine, Jan Koller ukomoka mu guhugu cya Tchèque, Biliaminou Tidjani ukomoka mu gihugu cya Togo, akaba yaranakiniye ikipe ya togo ya bari munsi y'imyaka 17. Umukinnyi Paulin Voavy ukomoka mu gihugu cya Madagascar. Hari kandi umuzamu witwa Perica Radic akaba yaravukiye mu gihugu cya Yugoslavia, abo bakaba aribo bakinnyi batari abafaransa bakina muri iyo, kipe ya AS Cannes. Icyangobwa akiniraho muri iyi kipe kerekana ko yavutse tariki ya 15 Gicurasi 1991, wenda bazamuhamagara mu bakinnyi bazitegura umukino uzahuza ikipe y'igihugu Amavubi izaba iri mu gihugu cya Cote d'Ivoire, kuwa gatandatu tariki ya 4 Nzeri 2010 mu mukino wo gushaka itike yo kuzajya mu mikino ya nyuma y'igikombe cy'Afurika (CAN 2012) kizabera mu gihugu cya Gabon na Guine Equatorial. Ntago ariwe mukinnyi wenyine ukina ruhago hanze y'u Rwanda tuzagenda tubagezaho uko abo bakinnyi bitwara mu mupira w'amaguru.