Abagore nabo barashoboye, n’ibihembo bikomeye bagiye babihabwa

Muri iki gihe abagore n’abakobwa bashishikarizwa kwitabira kwiga no gukora ubushakakashatsi ku ma siyansi (sciences). Muri uyu mwaka wa 2011, abagore bongeye gukangurirwa kwitabira ibijyanye n’amasiyansi. N’ubwo ariko abagore bataritabira bihagije ibijyanye n’ama siyansi ku rwego rwo hejuru hari abagore bagaragaje ko umugore ashoboye Siyansi kugeza ubwo bahabwa n’ibihembo bitandukanye kandi bikomeye birimo n’icyitiriwe Nobel. Ibyo rero bigashimangira ubushobozi bafite mubijyanye n’amasiyansi ndetse n’ibindi bitandukanye, Bamwe mu bahawe igihembo cyitiriwe Nobel mu masiyansi amwe namwe ndetse no mu buvuzi Marie Curie yahawe igihembo cyitiriwe Nobel. Yagihawe mu mwaka w’1903, agiherewe ibyo yakoze mu mu bugenge (Physique). Uyu Marie Curie kandi yongeye kugihabwa mu mwaka w’1911 agiherewe byinshi yakoze mu butabire (Chemistry). Mu bandi harimo Maria Goeppert-Mayer wagihawe mu 1963 agiherewe ubugenge (physique). Si abo gusa kuko uwitwa Irène Joliot-Curie yahawe iki gihembo cyitiriwe Nobel cy’ubutabire (Chimie). Naho Dorothy Crowfoot Hodgkin yahawe icy’ubutabire mu mwaka w’1964. Abagore ntibasigaye inyuma no mu buvuzi kuko mu buganga (medicine) uwitwa Gerty Cori yahawe igihembo Nobel mu mwaka w’1947. Rosalyn Yalow yagihawe mu w’1977. Barbara McClintock yagihawe mu w’1983. Uwitwa Rita Levi-Montalcini wahawe iki gihembo cyitiriwe Nobel mu buganga mu mwaka w’1986 , Gertrude B.Elion yagihawe mu 1988 nyuma cyanahawe Christiane Nüsslein- wVolhard mu mwaka w’1995. Mu mwaka w’2004 uwitwa Linda B.Buck abo akaba ari bamwe mu bagaragaje ubushobozi bw’umugore mu masiyansi (science). Nta mpamvu yo kutagirira ikizere umugore, kuko nawe ashoboye amasiyansi (SCIENCE). Nabo ubwabo kandi ntibakwiye kwisuzugura kuko barashoboye.