Canada:bakoze umukino (jeux video)ufasha kwigisha abana b'ingimbi ku buzima bw'imyororokere

Ontario mu gihugu cya Canada baherutse gushyira ahagararaga umukino ukinirwa kuri internet uzafasha abana bagimbuka kumenya ibyererekeranye n’ubuzima bw’imyorokere.

Uyu mukino ukaba ugamije kwigisha abana ingaruka mbi zishobora kugaragara mu buzima bw’imyorokerere cyane cyane kwandura indwara zituruka mu guhuza ibitsina(MTS).

Muri uyu mukino haba harimo izo nakwita intwali ku rugamba (super heros) enye: iyitwa Capitaine Condom iba yambaye agakingirizo, Wander vag akaba ari isugi, Willy iba ari umwana na Power Pap uba ari inzobere mu kumenya ibyerekeranye n’imibonano mpuzabitsina.

Hagararamo kandi uwo nakwita ‘debande’ witwa Sperminator uba ari gaheza kandi akaba yaranduye imitezi (MST:maladies Sexuellement Transmissibles). Uyu Sperminator akaba yari afite imigambi yo kwanduza izo ndwara umujyi wose.

Iyo rero umwana akina, buri mwanya ahabwa ikibazo cyerekeranye n’ubuzima bw’imyorokerere bakubaza nk’uko intwari imwe muri izi igomba kwitwara muri ako kanya. Yagisubiza neza akagabanya ubukana bwa Sperminator mu gukwirakwiza izi ndwara muri uwo mujyi. Bigakomeza bityo kugeza igihe atsindiye.

Ubu bukaba ari uburyo bwo kwigisha abana kumenya ubuzima bw’imyororokere babafatiye mu mikino kuko ari bumwe mu buryo abana bakunda.