Muri Mexique, imvura yahitanye abagera kuri 25 abarenga miliyoni bava mu byabo.

Muri iki gihe imvura zibasiye igihugu cya Mexique, imibare ya nyuma irerekana ko abagera kuri 25 bamaze guhitanwa n’imivu, abagera kuri miliyoni bakaba bamaze kuva mu byabo mu majyepfo y’uburasirazuba w’igihugu.

Ni mu karere ka Oaxaca gaherereye hafi y’inyanja ya Pacifique haherutse kugaragara impfu za nyuma zitewe n’iyi mvura. Abantu cumi na batanu bahitanywe n’imvura muri ako karere abandi cumi bahitanwa n’imvura mu karere ka Veracruz gaherereye hafi ya Atlantique

Andres Granier, guverineri wa Tabasco, iyi ikaba ari leta iherereye mu burasirazuba ndetse hakaba ari nta n’umuntu wari wahitanwa n’iyi mvura, afitiye ubwoba ibyumweru biri imbere aho agira ati: “Ibibi kurushaho bishobora kuzaza mu mezi y’ukwa cumi n’ukwa cumi na kumwe, kuko iki gihe imvura ifite n’imiyaga iba ari nyinshi cyane mu karere kacu.”

Nkuko bitangazwa, iki nicyo gihe imvura ibaye nyinshi cyane muri Mexique nyuma y'igihe kitari gito bikaba bishobora kuba biterwa n’imihindagurikire y’ikirere. Mu ntangiriro za Nyakanga, umuyaga Alex wari wahitanye abagera kuri 22, ukura mu byabo abagera ku 40.000 mu majyaruguru y’uburasirazuba bw’igihugu ndetse n’umuyaga Frank ukaba wari woretse indi mbaga mu minsi yashize.