Ubutaka ntibugikenewe mu guhinga!!!

Uruganda rwita PowerPlant rwatangiye kugurisha akamashini wahingwamo ibimera utagombye gushaka ubutaka.

Ako kamashini kakozwe mbere n'ikigo cy'abanyamerika gikora ubushakashatsi mu bijyanye n'ikirere, NASA, ku mpamvu z'abantu bajya mu kirere bakamarayo igihe kinini. Ako kamashini kabafasha guhinga bari iyo.

Muri iyi minsi, urwo ruganda rwa PowerPlant rwatangiye kukagurisha mu Bwongereza, kakorohereza abantu badafite ubutaka bwo guhingaho, kubona ukuntu bahinga. Ako kamashini gafite ikoranabuhanga rihambaye, kuko ugakoresha afata imbuto akazishyiramo, ubundi kakohereza mu mbuto intungakinyabuzima zikenewe buri kanya.

Utwo tumashini turi ubwoko bubiri: hari agatoya kahingwamo nk'imboga kagura amafaranga y'u Rwanda agera ku 25 000, mu gihe akanini gashobora guhingwamo ku buso bunini kagura amafaranga y'u Rwanda 45 000.

Abagakoresha barakishimira kuko mu minsi iri hagati ya 90 ni 120 umaze gutera imbuto, uhita usarura. Abo bagakoresha babona kandi indi nyungu yako kuko katazana udusimba cyangwa ngo kazane umwanda ukururwa n'ubutaka.